Jowai: Haka dorbar jied CEM wa Chairman ka JHADC kawa pynman ynne ka sngi hapoh ka yung dorbar chna aiñ, u Thombor Shiwat da jop suk u yaka chuki CEM wa u Lakhon Biam leh da jop suk u yaka chuki Chairman neidaw wa ym em wa yakhun pyrchah ya ki.
Neiliang u Thombor wa u Lakhon da e khublei ki ya waroh ki dkhot wa ki e ki ka chaniah wa pura yaki wei kamwa ki chaniah ki, kyrmen leh wow yakrehlang neini cha khmat neibynta ka roi ka paar ka Council kamjooh ki Constituency waphær waphær.
Hawa kylli kam u CEM wa chah jied haka sien wa ar, iyi ka thong wa hakhmat dooh neibynta ka Council. u Thombor da jubab u deiwa ong sakhiat dang boon ki kaam wa sahteiñ wa toh u pyndep tangwa ym ye u pyntikna lada ye namo ym ye u pyndep neibhah kam kiwa mihkhmat hi nyngkong pyrkhat nyngkong yaka tulop kiwa kreh.
Neitæ da ong u wa daw thooh ya ki laad ki luti wow pynyoh poisa ya ka Council wei kamjoooh wow pyndep ya i chna ya ka Iawmusiang kawa booh thong ha khmat dooh, nalor kiwa boon kiwi ki aiñ hapoh ka Council wa toh u chna wei wow pynbha neibhah i por da toh wow pynbha ya i rukom man ka Council.
Discussion about this post