Jowai: U Ripos Lyngdoh uwa na ka chnong Rngad, EJH uwa mihkhmat yaka Khliehriat Block uwa jop yaka yakob kawa tip kam ka Declamation Contest hajrong ka phang ‘Patriotism and Nation Building’ kawa pynman ha Kur Sookpoh Community Hall, Chilliangraij Jowai daka Ka Nehru Yuva Kendra, Jowai haka 22-10-19 kam chibynta ka Republic Day Celebration 2018-19 neibynta ki Block wa em ha East wa West Jaiñti Hills ha kani ka kynti da jop u sa yaka State Level.
Ynnin ka 29 tarik, u Ripos Lyngdoh uwa mihkhmat yaka NYK Jaintia Hills District ha ka State Level Declamation Contest kawa pynman haka Youth Hostel Shillong da rah biang u ya i naam jop.
Na ki 7 tylli ki NYK District daw wan 5 tylli kiwa chimbynta ha kani ka State Level wei kini ki 5 ngut kiwa wan chimbynta da wan ki na East Khasi Hills, East Garo Hills, West Khasi Hills, Ri-Bhoi wa na Jaiñtia Hills District.
U Ripos Lyngdoh kattu u mihkhmat u yaka jylla Meghalaya ha ka National Level Declamation Contest ka wow pynman ha u Duiatra (Jan) 2020 ha nongbah Delhi.
Also Read: Jop u Ripos Lyngdoh uwa na Khliehriat yaka yakob Declamation Contest
Discussion about this post