15 49.0138 8.38624 1 0 4000 1 https://wyrta.com 300 0

Lada pdiang ka sorkar du 3 million ki Bangladesh Hindu lyngba ka CAB, ka jaitbru yong i daw wiar ko: KSU

0 Comments
Advertisement ad1

Jowai: Ka KSU haka dorkhat wa e ko ynne ka sngi cha u Union Home Minister, u Amit Shah haka yalang ki seiñbhalang, ki seiñ saiñ hima sima ka North East wa u montri, haka dorkat wa e ki da ong wa ka seiñ pyrchah joor ko yaka CAB.

Ka KSU da ong ko wa ym em pyrchah ko ya kiwon kiwon ki jaitbru kiwa ka ri pdiang ko dei mynsien wyrai yong bru tangwa kani ka Bill da wanrah yaka deiwa khlem pyrkhat ya ki jaitbru khian paaid ka North East.

Advertisement ad1

Ka seiñ da ong ko kamwa man kattæ em 14 million ngut ki Hindu wa em ha Bangladesh, deiwa e nongmuna wa ha Meghalaya ki jaitbru Ynñiawtrep em ki du kamwa 1 million wei ha Shillong ki tre chnong da em ym palat yaka 50% lada nujor wa ki por wa nachwa iwa pynyoo yei boon i psiah ki bru wa na baar chapoh ka jylla. Wei lada pynkrehkaam yaka CAB daw chah tyllep wei daw wiar jait ki tre ri tre chnong.

Lada ka India naki 14 million ngut ki Hindu pdiang ko 3 million ngut yow man kam ki tre ri, ki Khasi daw man ki ki khian paaid iwa daw wanrah yei boon i eh i khoo kam wow dooh yei hok kam ki jaitbru ri-loom, i bor synchaar, ka khayi pateiñ iwa daw poi i por wa daw wiar ki jaitbru yong i.

Kamtæ ka KSU sñiaw ko wa bha wow pynkrehkaam noh yaka ILP ha waroh kawi ka North East wei wow pyndooh noh yaka Indo-Nepal Frienship Treaty 1950 hapoh ka Meghalaya waka North East waroh kawi, wei ka sorkar leh toh u chimkhia ko wow yada yaka dustur ka riti, ka ktien ka thylliej, ki aiñ tynre ki jaitbru ka North East.

Advertisement ad1

0 Comments

Leave a Reply