U Salong Lamare da chah jied u kam u Dolloi wa thymme ka Nartiang Elaka deiwa jop ya kiwi ki 3 ngut kiwa da yaleh.
U Salang Lamare da jop u deiwa yoh 3180 Vote wei ka chap u toh ka Sngi, hei wa ar da yoh u Jomeo Dkhar uwa yoh 2403 Vote, wa le da yoh u Leibanki Dkhar uwa da yoh 141 Vote wei hei wa soo da yoh u Helpmi Dhar uwa yoh 36 Vote.
Haka Elaka Nartiang i wan kiwa thap Vote toh 82.62% iwa mut na ki 7196 ngut, kiwa da wan thap Vote da em ki 5946 ngut wei hawa niaw Vote ynne da em 186 tylli kiwa da chah kyntait.
Neiliang u Salong Lamare kam u Dolloi ka Nartiang Elaka da ong u, “Kamwa da pynkup phi ya nga ini i burom nga leh u e O ka kti timun tidiang neibynta yong phi, u maya O yaki khon ka Elaka nadooh kiwa dooh wa duk wei u yaleh O u pynneh pynsah yaki riti dustur”.
Heijooh i por da kyrkhu kyrdooh haroh u ya ki khon ka Elaka u yoh ki dei chait i tram.
