Jop u Wailadmeshwa Siangshai na Musniang Rangad Constituency

U Wailadmeshwa Siangshai, u kyrtong ka UDP na 22-Musniang Rangad Constituency da yoh u yei jop deiwa pynrem ya u MDC wa kattæ u Phasmon Dkhar (NPP), u Brosent Siangshai (INC), u Damewanhi L Rymbai (VPP) wa ya u Shanbor Rymbai (BJP).

U Wailadmeshwa Siangshai hawa e yei klam da e khublei u ya u Blai wa da emlang u wa oo hadooh wa dapoi chei jop kamjooh ya ki paidbah kiwa da kyrchaan ya oo.

Da ong u wa nadooh wa sdang u wow lai pynsñiawthooh paidbah ym em chong ngiah u hajrong ki yurim wa yieñ yaleh Election u khamtam yei sahdien ka Constituency u.

Related posts

Khlem yoh u hiar madan tangwa chah kit ha ka Stretcher uwa yalehke ka England

July 6, 2026

Chah tooh ka muna wa em ka poisa Rs.1 lak, i ksiar wa ki kot ki sla wa emkaam | Kyntu ka tre wow pynyuiñ

July 6, 2026

Da e khublei u ya ki paidbah yei maya wa da e ki cha oo heiwa da yoh u yoo yei jop ynne ka sngi da 2638 Vote.

Da ong u wa kamwa da jied ya oo kam uwa mihkhmat, u man u uwa chakri uwa kit wa bah yei khia i chon wei u emlang u wa ki ha iwon iwon i por wa emkaam ki ya oo kamjooh wow kreh yow pynbha pynmiat ya ka JHADC.