Jowai: Ynne ka sngi ka seiñ All Hynniewtrep People United Front (AHPUF) da pynman ko ya ka yakop rwai tynre wa ar yong ka kawa tip leh kam ka Season 2 – Traditional Song Singing Competition, ha Iawmusiang Jowai.
Ha chwa wow sdang kani ka yakop da em ka yalang heiwa u President ka KJNU u N. Shadap da man u kam u kongsan heiwa da yoh yei klam na uwi na kiwa bichaar ya kani ka yakop u Deiwitawan Synnah.
Chirup wa u Synnah da wan bichaar ya kani ka yakop da ka I. Shullai kawi na kiwa rwai wa pawnaam ka ri-loom Jaiñtia.
Da em hadooh ynru ngut kiwa wan yachimbynta ha kani ka yakop wei hadien ka yakop da rai jop ya u Wankerfull Dkhar uwa da yoh ya ka song poisa wa T. 6,000, i naam wa ar cha u Peacewell Dkhar uwa da yoh ya ka song poisa wa T. 4,000 katwa yei naam wa le da yoh da u Kitlangmi Sari uwa da yoh ya ka song poisa wa T. 2,000.
Hachwa wow pynkut ya kani ka yakop da em ka yalang tbian kawa da pyllai da u president ka seiñ, u J. Phawa, i klam na u Secretary ka seiñ u Chandametre Sungoh uwa da yooluti wa kani ka yakop u heh wei u phooh ko kat dang lai ki snem.
Discussion about this post