Kam chibynta ka International Day Against Drug Abuse & Illicit Trafficking deilang ka Nasha Mukt Bharat Abhiyaan, neiliang ka yung krehkaam ka District Social Welfare Officer, West Jaiñtia Hills District deiwa ya krehlang wa ka District Administration chirup u District Sports Officer ka West Jaiñtia Hills District da pynman ki ya ka yaphet Marathon wa tip kam ka Run Against Drug Abuse and Illicit Trafficking yow pynchlur u im deiwa chait wa khiah.
Ya ka Marathon da kaweh lama da u EHM Passah, Working President ka West Jaiñtia District Sports Association (WJDSA) deiwa sdang na Main Gate ka Kiang Nangbah Stadium.
Kiwa chimbynta da phet ki lyngba ka Ladthadlaboh Main Road-Jowai Public School-Gate Polytechnic-Kchaaid Rymphum, Salaroh, Dulong Poh-Hali Road,
Dulong, Tpep-Pale, Wahnangbah Road, New Hill-National Highway chwa wow pynkut hei thaw wa sdang hi.
Ha ki chynrang da jop u Dasaman Kyndait uwa na Sabahmuswang wei da pynbood u Daioohimitre Suting na Sohmynting hei wa ar wa u Daboimiki Mulieh na Ialong hei wa le.
Ha ki kynthai da jop ka Phyrnai Kyndait na Mukhaialong, hei wa ar da yoh ka Marwa Shylla na Sabahmuswang katwa hei wa le da yoh ka Dakawanhi Suchiang kawa na Mihmyntdu.
Kiwa jop da yoh ki da ka song poisa deilang ki muhor sahkynmoo.
Discussion about this post