theme-sticky-logo-alt
theme-logo-alt
Advertisement ad1

Jubab kiwa hayung uwa seiñ ya ka Sawlyngdoh HSS yei klam u Secretary ka skur

Advertisement ad1

Kiwa hayung hasem u (L) Thomlin Suchiang uwa seiñ ya ka skur Sawlyngdoh Higher Secondary School Mowkaiaw da jubab ki yei klam u Dapbiang Lathong uwa man kam u Secretary ka School Managing Committee (SMC) heiyatoh wa iwa pyrchah kiwa hayung wow pynman ya ka Interview kreh neibynta kiwa sikai ha kani ka skur.

Hajrong i ong u Secretary wa ym ye u thung kreh khlem ka B.Ed, da kylli wa kammon wa ya kiwi kiwa sikai kani ka skur da thung khlem B.Ed hadien wa ka sorkar da pynmih ko yei pynbna ha u snem 2007 wa toh u thung da kiwa da pyndep B.Ed. Tangwa kini da em kiwa da pyndep ya ka B.Ed hadien wa da sikai ki wei lada u Secretary tip u yeini wei ye u pynche u yeini.

Heiyatoh won waka payu yong ki kawa da dep thung kreh chwa, da pyntip wa heitu i por da sah ko i yong ka hi i yung ko ym toh de wa ka bei wa u pa. Wei heiyatoh won wa u payu arbei da pynche wa uni toh uwa chi kur donhi ym toh u khon (L) Thomlin Suchiang wa da kreh ha kani ka skur.

Heiyatoh wa u kurim ka Ridalin Laloo (ka khon khaddooh) heiwa da ong u Secretary wa da thung kreh ya oo deiwa pyrkhat kam uwa chongkha ha kani ka yung, da pynche wa heipor wa thung kreh ya u kurim ka Ridalin ha u 2007 ym pu em man ki chi kurim wei da thung ya oo deiwa leh Interview wei ym mih itæ wa man u kam uwa chongkha ha kani ka yung wei u Secretary ka SMC toh da uwi tawon ha itu i por.

I kyrpaad na kiwa hayung ya ka SMC toh wow thung kreh ya ka khon khaddooh uwa seiñ ya ka skur kawa da im wa sah ha ka yung waka bei wei ym toh wow yah bakla deiwa batai da kitæ ki aiñ ki kyndon neibhah ka SMC em ko i bor kamwa da kdaw haneiñ.

Hajrong ini waroh, da pynsñiaw yei pyrchah ya ini i rukom klam u Secretary uwa da tlep ait miaw da i rukom batai u hawa yaklam wa kiwa thoh khubor ha ka 29 tarik uni u bnai neibhah i buit toh wow thung kreh ya arngut kiwa sikai (Officiate) ha kani ka skur wei manda pynbna ya kiwa yoh kreh daw mih pyrthai lut ini.

Puræ leh: Mih pyrchah ka yung u (L)T. Suchiang yei pynman Interview ya kiwa sikai ha Sawlyngdoh HSS Mowkaiaw

Advertisement ad1
Share this:
Previous

Pynman ka BSNL ya ka Hindi Workshop ha Shillong

Next

Da ka yalang pynsñiawthooh chaphang ki Scheme sorkar pynman ka AJMW&LU ha Jowai