Jubab u Ardent yei sñiaw mong ki MDC wa pynemkaam u yei kyntien Expiry Date

Iwa ong u wa Ardent Miller Basaiawmoit wa i pynyinsur ya ka samoi MDC ka KHADC wa JHADC da man kam i dawai wa da kut por namo kiwa dapoi Expiry Date, da pynmong i ya ki MDC wa katni.

Hawa jubab yeiwa kylli yeini, u Ardent da ong u wa i klam yong oo ya kini ki kyntien khamtam ya ka Executive Committee kiwa chim ya ka kabu wow pynyinsur ya ka samoi man MDC, da sariem kam ki mar ki mata kiwa da kut por.

ADVERTISEMENT

Da ong wa ye u man wa kini ki kyntien da dung da tynrah ko ya kitæ kiwa ksoh yei bor wei da sdang ki wow pynbaad ya oo, tangwa ki paidbah ki tip ki ya ka yurim yong oo wei oo tip u ya ka aiñ ya iyi wa toh u leh.

Heiyatoh wa i kynthah ya oo wa iehnoh u yei kaam MDC, da ong u wym ktah ko neibhah wa nadooh wa nyngkong ym sñiawsuk u wow ksoh ar maloi wei da kyntait u la ar sien wow yakhun MDC na Nongkrem hanla ki paidbah da pynbor ki ya oo wei ha u 2014 da pyndem u hei mon yong ki paidbah wow yakhun MDC wot hei yong sakhiat ym kwah u wow ksoh ar maloi.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Wei toh na ini i daw wa ha itu i por da ieh noh u yei man MDC neibhah ym pdiang ya ka yurim wow baam ar maloi. Da ong u wa toh u e laad ya ki khynroo wow mih chakhmat neidaw wa ka synchaar paidbah ymtoh ka kynti yong uwon uwon toh ka yong u paidbah wei ka VPP kwah ko wow sai ya kiwa yahkhmat.