Jwat u yoh jubab RTI na ka DSC ka East Jaiñtia Hills

Hawa booddien u Reachingson Siangshai ya ka RTI wa da booh nadooh ka 31 tarik u Naiynñiaw 2025 kawa kylli heiyatoh wa ki kreh wa ka rukom thung kreh hapoh ka East Jaiñtia Hills District lyngba ka DSC.

Ha ka 1 tarik uni u bnai da lai biang u wow yachem wa u PIO wow kylli heiyatoh wa kani ka RTI yow tip yei daw wa slem u yoh jubab.

U Reachingson hawa yaklam wa kiwa pathai khubor da ong u wa i por wa u PIO toh u jubab u man ko kawa da kut da palat 30 sngi na ka tarik wa da booh ya ka.

Chooh chooh da ong u wa hawa pyrchang wow yachem wa u PIO da phah u wow yachem wa ka Dealing Assistant wei hawa kylli won na ka da ong ko wa i jubab namo Information ym em ki ha ka wei hap yachem u wa u DC.

Related posts

Dawa ka PSM na u DC wa u SP wow booh Infiltration Check Gate ha u sarok Jowai-Dawki wa joor psiah tooh ki Bangladeshi

September 22, 2026

Yap uwi wei mynsoo joor ka kurim hadien wa chah tyrrah ka Scooty ha ka Thar

September 22, 2026

Neiliang u Reachingson da ong u wa kammon hap yachem wa u DC hawa u DC toh u Chairman wei ka jubab toh u yoh u na u Public Information Officer (PIO) wei iwa phylla toh wa u PIO ong u wym tip u yeini wei da paan u leh wow chondur ya ka RTI hawa pynyoo ka cha oo.

U Reachingson da ong u leh wa heiyatoh weini da kyntait u wow yachem wa u DC wei daw ujor u da ka First Appeal cha u First Appellate Authority.