Ka 17 tarik ka yalang paidbah ki ar chnong wow pyrchah yei kyrriah ya ka C&RD Block na Wapung

Jowai: Ki ar tylli ki Dorbar Chnong kiwa kynthup ya ka Wapungskur wa ka Wapungchnong lyngba ki Waheh Chnong yong ki da pyntip ki wa daw pynman ya ka yalang paidbah namo ka Public Meeting hei yatoh wa i chah kyrriah ka C&RD Block na Wapung cha Lumshnong, EJH.

Ya kani ka yalang paidbah daw pynman mynstep ka 17 tarik ha Madan Siatrang, Wapungskur heipor 11:00 waje i sngi.

Ha kani ka yalang daw pynyoo ya i pyrchah yei leh ka sorkar wow kyrriah ya ka C&RD Block na Wapung cha Lumshnong EJH khlem yurim.

Kamtæ kini ki ar dorbar da kyntu ki ya ki paidbah na ki chnong kiwa haap hapoh i pait i yoo kani ka Block wow yawan ki cha kani ka yalang wow pynyoo ya i mynsien wow pyrchah ya ini i leh ka sorkar jylla.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Kam wow pynkynmoo heini da booh ya u moo-yurim wow chna ya kani ka yungkrehkaam ka Wapung C&RD Block da em ka yalang yeini ha ka 22 Naitung (April) 2017 heiwa u Montri warim ka tnat C&RD ka jylla u Sniawbhalang Dhar da man u kam u kongsan katwa u MLA ka thaiñ u Justine Dkhar da man u kam u symbood kongsan.

Ka sorkar da rai won ko wow kyrriah ya kani ka yungkrehkaam na Wapung cha Lumshnong ha kani ka 12 tarik uni u bnai.

Kani toh katkam wa pyntip u Waheh Chnong ka Wapungskur u Satly Ryngkhlem wa u Wapungchnong u Glitter Rymbai.

Also Read: Chah kyrriah ka C&RD Block na Wapung cha Lumshnong hapoh ka EJH