Demthring : Ïa kani ka pynkup burom da pynman ha community hall Demthring Sports Club, ha ka wa yei ktien pdiang burom da yoh na u ma R.S. Diengdoh President ka club da yoh leh yei rwai ïa ka National Anthem da ki khynnah skur ka Demthring Presbyterain Secondary School.
Da yoh yei klam na u ma S.S. Suting, ma M.S. Ryngkhlem Dorbar Chnong Demthring. Ka kongsan ha kani ka sngi toh ka kong G. Lyngdoh SDSEO, Jowai. Ka kongsan ha wa e yei klam ha kani ka sngi da ong ko ka club ymhoi u myllin ko ïa ki khynnah wa ym yoh u lai skur wei toh u phah ko ïa ki pyrtuid yong ki cha ka ophis yong ka.
Ha kni ka sngi da saam ïa ki khusnam wa ki certificate cha waroh ki 16 ngut ki khynnah kiwa khynthup ïa 2 ngut kiwa yoh 1st division ha ka HSSLC, 3 ngut kiwa yoh 1st Divison ha ka SSLC. Da em leh 6 ngut kiwa yoh 2nd div ha ka HSSLC, wei 6 ngut kiwa yoh 2nd div ha ka SSLC wa kiwi won ki wa da pass ïa ka kyrdan BCA.
Ha ki 3 snem wa da dep da e ïa kani ka khusnam hadooh kiwa yoh ïa ka 3rd div, katwa ha uni u snem won da e ïa kiwa yoh ïa ka kyrdan 2nd wa 1st div donhi. Katwa nadooh u snem 2016 won ka education committee da pynbait ko u e du ïa kiwa pass 1st division nadooh ka kyrdan matric hadooh PhD.
Da pynphooh pynphieñ ïa kani ka sngi da ki chaad, ki rwai, ki skit wa ka fancy dress wa da ïa chimbynta ki khynnah skur.
Ïa ki ktien khublei da yoh na ka kong H. Dkhar.
Discussion about this post