Jowai: Ka Super Division ka WJDSA wa tip leh kam ka U Kiang Nangbah Memorial Trophy da poi ko cha wa kut ynne ka sngi da ka yalehke hapyrdi ka 7 Wasa United pyrchah ya ka Khimusniang heiwa ka 7 Wasa da jop ko da 2-0.
Ha ka kylla step, ka yalehke da kut ko khlem em wa yoh u thap kool tangwa ha ka minit wa 79 ka kylla miet, u Chandra Pakyntein da thap kool u kawa da yoh uwa yang kool u pynsangeh tangwa lait ko na oo wow psiah cha kool.
U Felixson Bang da ka kool wa thap u ha ka minit wa 86 da pyntikna yei jop ya ka 7 Wasa.
U Felixson leh da rah u ya i naam Man of the Match wa u Top Scorer, u Daemitre Dan da yoh u yei naam Best Goal Keeper katwa u Pynche Tyngkan da yoh u yei naam Player of the Tournament. Waroh kini toh na ka 7 Wasa.
Mynstep ka 9 tarik daw em ka Semi Final ka 3rd Division heiwa heipor 12 waje pyrdi sngi, ka Newhill u yachem ko wa ka Caroline. Heipor 2 waje i sngi won ka Wahiajer u yachem ko waka Mulang Ialong.
Discussion about this post