Uwa yahkhmat ka Liang Pyrchah ha ka jylla, uwa man leh u MLA ka Congress, u Ronnie V Lyngdoh da ong u wa ka aiñ daw leh ko yei kaamram hajrong i chah pynbaad u MLA ka NPP na Mahendraganj, u Sanjay Sangma wa embynta u ha ki kaam baam poisa yow chna ya ka MDC Hostel kawa da poi hadooh T. 6 klur.
Da ong u wa ini i pynbaad ya u Sanjay toh nadooh i por wa chwa u ma MLA, wa da kdaw u leh wa heitu i por wa dang man u kam u Contractor, wei neidaw wa katni da man u kam u MLA, e wa ka aiñ daw leh ko yei kaamram.
Hawa kylli, u Ronnie uwa man leh kam uwa yahkhmat ka Congress Legislature Party (CLP), da ong u wa ymtoh i kaamram yong ka Liang Pyrchah wow pyntip yei em mukotduma u MLA cha u Lamphang ka yung dorbar, wei ka Lokayukta kawa da chim ya ka mukotduma toh u pyntip ko cha u Lamphang yow leh u yeiwa emkaam.
Kam wow pynkynmoo wa ka Meghalaya Lokayukta da pynngat mukotduma ko ya 12 ngut wa kynthup ya u Sanjay Sangma uwa man u MLA ka NPP deilang wa 9 ngut ki Executive Member ka Garo Hills Autonomous District Council (GHADC) wa 2 ngut ki Contractor hajrong i pynbaad baam tooh ya ka poisa wow chna ya ka MDC Hostel ha Tura.
Discussion about this post