Ka Minister ka Aam Aadmi Party ha Delhi, ka Atishi Marlena u chimkti ko na u Arvind Kejriwal ya ka chuki Chief Minister hadien wa rai u wow hiar noh na kani ka chuki.
Neiliang ka Party daw kam ko wow chna ya ka sorkar hapoh ka Atishi hadien wa hiar chuki noh u Kejriwal myntu i janmiet.
U heh ka AAP, u Gopal Rai da ong u wa ka AAP daw lai yachem ko ya u Lt. Governor ka Delhi, u VK Saxena wow chna ya ka sorkar wei hadien ini daw pynbna ya ki Minister yong kani ka sorkar.
Katkam wa man katni ka Atishi ksoh ko ya kiwa boon ki chnat kam ka Finance, Education wa PWD ha ka sorkar AAP wa katni.
Ki heh ka AAP Legislative Party da rai ki yeini hadien wa tyrwa u Kejriwal yei pyrtuid yong ka Atishi kam ka CM.
Neiliang u Kejriwal da yachem u leh wa waroh ki heh ka APP wow ap yei sñiaw yong ki heiyatoh wa ka Atishi. Da yooluti leh wow Resign u kam u CM hadien i yachem u wa u Lieutenant Governor heipor 4:30 chibet i janmiet.
Discussion about this post