Ka BJP daw chong pyrkhat ko yei yi u e ticket ko na Jowai: Lotha

Jowai: U Hayithung Bill Lotha, General Secretary ka BJP wa pait ya ki Scheduled Tribe & Scheduled Caste ka seiñ, ynne ka sngi da pyntip u wa ha ka sngi wa yachem u wa kiwa pathai khubor ha kani ka 4 tarik uni u bnai i pynmih pyrtuid u ya u Singh Mulieh ym em mut u wa da rai wow jied ya oo kam u kyrtong yaleh MLA ka Jowai da ong hi eh wa u Singh Mulieh leh ye u man kam uwi u kyrtong (Intending Candidate) na kiwa boon wa daw chong pyrkhat ka seiñ wa ye u yaleh MLA.

Da ong u leh wa u Marki Mulieh uwa man leh u District President ka West Jaiñtia Hills ka BJP man u leh kam uwi na kiwa yahkhmat ka seiñ uwa biang wei oo leh man u kam uwi na ki kyrtong wa ye u yaleh MLA na Jowai.

Tangwa ka rai wa khaddooh chong ko ha ka Central Parliamentary Board ka BJP yei yi u e ticket neibhah daw jied ya uwa ye u jop.