Ka BJP hi samen ym ktah ko ya ka UDP: Donkupar Roy

Shillong: Heiyatoh wa ka satri ki seiñ saiñ pyrthai ka thaaiñ mihsngi wa yahkhmat da ka BJP ya kawa tip kam ka North East Democratic Alliance (NEDA) da man ko kam ka “Loose Association”, da ong u lamphrang ka yung dorbar chna aiñ ka jylla uwa man leh u heh ka United Democratic Party (UDP) u Donkupar Roy deiwa pynrap wa ka NEDA ym em ko iwon iwon i bynta heiyatoh wa ka Election MP.

Da ong u leh wa ka NEDA man ko ka satri wa da jæd da pai neibhah ym em ko ha i thoh i tar wei kam ka UDP u yakhun u yaleh ko samen.

Ka UDP da dam ko u yatoh lok wa ka NEDA hadien ka Citizenship (Amendment) Bill, wei da tyrwa ko da u Jemino Mawthoh kam u kyrtong MP na Shillong.

Kam wow kdaw heini waroh ki seiñ hapoh ka sorkar MDA ka jylla da pdiang ki ya u Jemino Mawthoh kam u kyrtong MP lait noh na ka BJP.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Hajrong i rai ka BJP wow yakhun ha ka Election MP ha ka jylla, u Donkupar da ong u wa ka BJP hi samen ym ktah ko ya ka UDP wei i yakhun ka BJP samen u man i kam ka dak wa pynbakla yei pynbaad ka Congress wa ka UDP wa NPP em ki i yatoh waka BJP.

Chooh chooh u Donkupar da ong u wa ka Congress daw sdang wiar ko na ki jylla ka thaaiñ mihsngi ka ri wei da sdang wiar ko ha waroh kini ki jylla.