Shillong: U President ka Bharatiya Janata Party (BJP) ha Meghalaya u Shibun Lyngdoh da ong u wa i wanrah ya ka Citizenship (Amendment) Bill, 2016, ya kawa da mynjur da ka Lok Sabha da kthah hiwot ko ya ka Party hapoh ka jylla Meghalaya, hanlada ympu em mynjur ya ka ha Rajya Sabha.
Da ong u wa ka CAB da kthah ko ya ka Party ha Meghalaya, wei yeini ymye u len tangwa em ar ngut ki MLA ka Party wa yakrehlang wa ka sorkar Meghalaya Democratic Alliance (MDA) kawa da rai leh wow pyrchah ya kani ka Bill.
Da pynrap u leh wa kini ki ar ngut ki MLA da pyrchah ki wow man aiñ kani ka Bill.
Hajrong i klam u Sanbor Shullai wa palat 10,000 ngut kiwa kyrchaan ka BJP ha South Shillong, u mih seiñ ki lada mynjur ya ka CAB ha Rajya Sabha, neiliang u Shibun da ong u wa i klam yong u Sanbor man i i klam samen yong oo hi neibhah ha ka saiñ pyrthai em kiwa mih wei em won kiwa psiah cha ka Party.
Hajrong wa i wym sai kyrtong ka BJP ha kani ka Election MDC da ong u wa ka BJP toh ka National Party wei ym miat wow yakhun ko ha ka Election MDC, katwa kamtæ ym yakhun ko ha kani ka Election.
Discussion about this post