Shillong: U Montri Rangbah ka jylla u Dr. Mukul Sangma da pynbaad u wa ka sorkar National Democratic Alliance (NDA) wa yalam da ka BJP da pyrchang ko katwa ye wow pynkrehkaam ya ki mat wa phah ka RSS (Rashtriya Swayamsevak Sangh) wei da mylliñ ko ya ki mat krehkaam yong ka.
Hawa yaklam wa kiwa pathai khubor hadien i thap vote wow jied President ka ri, u Dr. Mukul da ong u wa ki mat wa ka sorkar NDA leh ko toh ki wow pynjæd tympra ya ka ri India.
“Ka sorkar NDA ym ye ko wow leh yei kaam wa thmu ko neibhah wa da em ki mat wa da phah da ka RSS”, da ong u Dr Mukul.
Da ong u wa ka RSS kwah ko wow yoh yei thmu yong ka deiwa yakhun wow em hei bor wow synchaar yow ye ki u leh katwa ngait.
U Dr. Mukul da beiñ joor u leh ya u Montri Rangbahdooh ka ri u Narendra Modi u wa da chah thied u ha ka RSS wei ka RSS toh kawa ha lyndet ka BJP.
Discussion about this post