Ka BJP wa ka RSS toh ki Agent ki ksuid: Dr. Mukul Sangma

Shillong: U Montri Rangbah ka jylla, u Dr. Mukul Sangma da beiñ joor u ya ka BJP wa ka RSS wa man ki kam ki Agent yong ki ksuid neidaw i embynta yong ki wow phiah ya ki paidbah ka jylla wei da kyntu u ya ki wow sangeh wow psiah chapoh ka jylla wow tympiah ya ka imlang sahlang wa ka riti dustur.

Hawa klam yei leh pdiang burom ya u President wa thymme ka MPCC, u Dr. mukul da ong u wa ka Congress yaleh pyrchah ko ya ka RSS wa ka BJP kiwa man ki ksiang namo ki agent ki ksuid kiwa kwah wow phiah ya ki paidbah, wow pyn yachruit ya ki bru wot wow ya tynyap para bru.

Da ong u wa ka BJP wa ka RSS da phiah ki ya ki paidbah ka ri-loom Garo deiwa ong wa ki ymtoh ki Christian tangwa ki paidbah kani ka ri-loom toh kiwa baam doh.

Da ong u wa ka rukom im ki bru kani ka jylla yaphær i neitæ i daw kiwa yakhih ya ka Inner Line Permit (ILP) toh u pynsangeh ki ya ki RSS wow psiah khlieh ki chapoh kani ka jylla.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Da pynkynmoo u ya u snem 1947-48, heiwa da ong u wa ka RSS ha kini ki snem ym ye ko wow hukum yei kwah yong ki hawa chna ya ka Riti Synchaar ka ri wow pynman ya ka India du da kawi donhi ka niam, wei toh na ini i daw wa chah tynyap kiwa yakhmat ya ka Congress.

Chooh chooh da ong u wa i kwah yong ki wow pynwiar ya ka Congress da sdang na i yakhih wa tip kam ka Congress Mukt Bharat khnang wow yoh ki u synchaar suk.

Da maham u ya ki paidbah wa lada ka BJP jop ko samen ha ka Lok Sabha daw pynkylla ko ya ka riti synchaar ka ri, wei lada elaad ya ka BJP daw phiah ko ya ka India deiwa pynrap leh wa i rukom krehkaam ka sorkar NDA hapoh ka BJP toh hei dur ka RSS.

Hawa kyntu ya ki wa yakhmat wa kiwa kreh ka seiñ, u Dr. Mukul da ong u wa daw lai pynche ki cha ki paidbah yei buit ka BJP deiwa kam leh wa lada em i yatylli em i hapoh ka party da tikna wa daw jop bait ha ki 38 tylli ki Constituency.