Ka BJP wanrah ko ya ki kaam pynroi khlem pait chilliang: Nalin Kohli

Shillong: Ka BJP da beiñ kylla ko yei pynbaad ka Congress wa kiwa kyrchaan ya ka BJP toh ki Judas, deiwa ong wa ini pynyoo ko yei kyrbeh wei tieñ ka Congress.

Hawa yaklam wa kiwa pathai khubor ynnin ka sngi, uwa yahkhamt ka BJP uwa pait ya ka Meghalaya u Nalin Kohli da pynbaad u wa ka Congress da jler du wow ymmoh ait miaw ya ki baam-tooh yong ka.

Hajrong wa pynbaad ka Congress wa kiwa kyrchaan ya ka BJP toh kiwa da e kti ha ka BJP, u Kohli da da jubab kylla u deiwa ong wa ki paidbah ki 19 tylli ki jylla ha ka ri kiwa kyrchaan ki ya ka BJP ki ym em dai ki ya ka mynsien wa i doh yeiwa ekti ki.

Uwa yahkhmat ka Congress u Tom Vaddakan da pynbaad u wa kiwa kyrchaan ya ka BJP da dai ki ya i met wa i mynsien.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U Kohli da pynbaad u wa ka Congress pyrchang ko wow yut na ki paidbah wei wow tlep ait miaw deiwa pynbaad wa ka BJP tympiah ko ya ka ri heithaw wow jubab ko ya ki kaam baam-tooh yong ka ha kini ki 15 snem.

Da ong u wa ki paidbah ki jied ki ya ka BJP ha ki 19 tylli ki jylla ka ri toh neibhah ki kaam pynroi wa smat wa wanrah khlem leh chilliang, wei heiwon i rukom da wanrah ya ka tympiah ri.

Chooh chooh da ong u wa kiwa yahkhmat ka Congress toh u lai ki cha kiwi ki thaw ym du ha u sarokbah hapyrdi ka Guwahati wa ka Shillong yow sñiawthooh ki ya ka roi ka paar wa i eh i khoo ki paidbah.

Da ong u wa ka Congress da pynbaad ko wa ka BJP toh kawa pyrchah Christan tangwa ki montri sorkar ka BJP toh ki Christan ha Goa, ha Manipur wa ha kiwi ki jylla.

Da ong u leh wa boon kiwa kyrchaan ka NPP ha Garo Hills da wan kyrchaan noh ki ya ka BJP wei ka party ka da pynyakhun pyrchah ko ya kiwa boon wei u rah ki ya ka thong.