Shillong: U Montri Rangbah wa rim ka Assam u Tarun Gogoi ynnin ka sngi da ong u wa ka yakhih Hindutva hapoh ka ri da khlan wei khuslai u wa man ko pyrchah ya ka riti synchaar ka ri India neibhah ka man ko ka wym em pait chilliang namo noh chilliang ko cha kawon kawon ka niam.
U Gogoi uwa wan cha Shillong kam chibynta wow yalap Election da ong u ka yaleh hi toh hi wow pynneh pynsah ya ka hok synchaar paidbah hapoh ka ri wei ka niam ymtoh u man ko ka phang yaleh Election.
Da ong u leh wa ka jylla Meghalaya toh kawa em boon ki jaitbru wa ki jait niam wei da im suk ki tangwa da pynkynmoo u wa ka jylla ym hoi u chah phiah ko namo wow chah pynbiej ya ki ktien ka Bharatiya Janata Party (BJP) ka wi ka dustur riti kawi ka ri.
Da ong u leh wa ka Congress kwah ko wa waroh ki syntu u phooh ki ymtoh du u syntu Lotus tangwa ha kpær ka BJP kwah ko du u syntu Lotus donhi wow phooh.
Chooh da ong u wa da ku ka jylla Meghalaya toh wa em ki Kristan wa da ku lada wyrchaw wa ki khian paaid ka Gujarat kiwa dang sahdein hadooh katni.
Da ong u leh wa hadooh katni u Prime Minister Narendra Modi wa u BJP president Amit Shah ymye ki u pynman ya ka jylla Gujarat kam ka Model State tangwa da chim kabu ki ya niam yow pynbiej ya ki paidbah.
Da kam u leh wa nadooh wa wan ka BJP heibor ha Assam waroh ki sarok da sih ki wei ki dor ki mar ki mata da ku ki.
Da pynkut u deiwa ong wa ka BJP toh ka Party wa baam tooh dooh wei da pynemkaam ko dei bor poisa yow jop ko.
Discussion about this post