Ka Congress da pynsahdien ko ya ka jylla: Rajiv Pratap Rudy

Shillong: Uwa yahkhmat ka BJP uwa man leh u MP na Bihar, u Rajiv Pratap Rudy da beiñ u ya ka Congress deiwa pynbaad wa da pynsah dien ko ya ka jylla Meghalaya kawa da synchaar boon snem.

Hawa klam ynne ka sngi cha kiwa pathai khubor u Pratap da ong u wa ka sorkar Meghalaya ym em leh ko iwon iwon wow pynroi ya ka jylla hapoh kini ki chiphaw snem wa da synchaar ko.

Da pynbaad u wa ka sorkar Congress ymem leh ko ya iwon iwon hapoh ka jylla wei ki kaam pynroi kiwa mih toh du ki sarok kiwa da e poisa da ka sorkar pyrdi.

U Pratap da kam u wa ka la-ær i kylla da wan beh ko ha Meghalaya heiwa ka BJP daw chna sorkar ko hadien kani ka Election.

Da beiñ u leh ya ka Congress deiwa ong wa ha kiwi ki jylla yong ka ri ki paidbah da yaklam ki ya ki Bullet Train, ki Metro tangwa ha Meghalaya ka Congress yi leh ko wow kynrong kyntu ya ka jylla waroh kawi.

Katwa u Nalin Kohli da beiñ u ya ka Congress, da pynbaad u wa da wanrah ko yei pynchongchit niam ha kani ka election.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

U Kohli da pynbaad u wa ka Congress da pynchongchit niam ko ya kani ka election deiwa pynbor ya ki Balang wow ong wa ka BJP toh kawa tympiah jaitbru tangwa ki paidbah toh u sñiawthooh ki wa ka thong yong ka BJP toh neibynta i roi i paar.