U General Secretary ka All India Congress Committee (AICC) wa pait ya ka Meghalaya, u Manish Chatrath, ynne da sñiawskem u wa ka Congress u jop ko ha ka Election MP- Lok Sabha 2024 na waroh ar tylli ki seat ka Meghalaya, ka Shillong wa Tura Parliamentary Seat.
Da ong u wa hawa pait ya ka MPCC hapoh i yahkhmat u Vincent Pala, da tikna wow chah jied ka Party ha ki paidbah neibhah hawa pait hadien i wan kani ka sorkar ha u bnai Wisu, da yoo wa waroh da kylla lut i wei ymtoh katkam wa da kular ka sorkar.
Da pynsñiaw u wa i pynkhreh ya ka Election da lai i chaaid chaaid wei uni u heh ka AICC wa pait ya ka Meghalaya da ong u wa hawa kyruiñ cha ka Election ha Khasi Hills wa Ri-loom Garo, da em kiwa yahkhmat wa da heh wa sian wei ymtoh wa em du uwi tangwa boon ngut wei hawa kut chong ha ka Screening Committee ha Delhi ka wow rai wei daw lai ko cha ka Central Election Committee wow rai yeiyi u jied næ pynyakhun kiwa em kyrmen wow jop.
Hajrong ka mynried ka Congress, u Chatrath da ong u wa boon ki seiñ saiñ pyrthai da yakreh ki wa ka thup synrop INDIA wei man ko kawa khlan kawa em kiwa yahkhmat wa khroo ha waroh ki jylla.
“Lada sdang na Tamil Nadu, West Bengal, Delhi, Rajasthan, Madhya Pradesh wa Punjab- I em i kiwa khroo kiwa da man kam ki Montri Rangbah ki jylla, phi khana ya nga kiyi ki Party wa em kam kini,” da ong u Chatrath.
Discussion about this post