Ka Congress kyrchaan ko ya ka CAB, pynbaad ka UDP

Shillong: Ka UDP da pynbaad ko wa ka Congress man ko kawi ka Party kawa nyngkong dooh wow wanrah ya ka Citizenship (Amendment) Bill kawa da wanrah ka BJP ha u 2016.

Hawa yaklam wa ki laad pathai khubor ynne ka sngi, u Vice President ka UDP u Allantry F Dkhar da pynbaad u wa ka Congress da yahbakla ko da ki khubor kiwa ym toh kiwa sakhiat. Da ong u wa katwa ka Congress ha Assam ha kani ki sngi da kam ko wow pyndooh ya ka CAB lada ka wan ko ha i bor tangwa ha ka Drafting Election Manifesto ka Congress na Delhi da kynthup ya ka CAB kam kawi ka phang Election MP ka wow wan.

Da pynbaad u leh wa ki bru ka Congress ki da lai yalap Election ki kylleiñ wow yah luti bakla ya ki paidbah ha kani ka jylla khamtam wow pynbeij ya ki paidbah wa ha kani ka Election MDC pyrchah ki ya ki seiñ ri-loom.

U Allantry da ong u wa heini da yoo wa ka Congress da pynemkaam ko ya ki phang wow yaklam ha ka MP Election tangwa da yahbakla ko ya ki paidbah ha kani ka Election MDC.

Related posts

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024