Shillong: U Prestone Tynsong uwa man u symbood montri rangbah ka jylla da ong u wa lada ka seiñ Congress ha Meghalaya kwah ko wow yarap ya ka jylla toh u ong ko deiwa che, neibhah boon ki laad yarap ya ka jylla.
Kam wow kdaw heini wa ka seiñ Congress da pynbna ko wow pynlut yaka bai luti neibynta wow pynpoi ya kiwa chong chnong kiwa sahkut cha baar ka jylla, wei ya ini u General Secretary ka MPCC da phah u leh ya i tyrwa cha ka sorkar lyngba u Chief Secretary.
Da ong u wa ka sorkar hadooh katni ym pu yoh ko ya i tyrwa na ka Congress, deiwa ong leh wa lada kwah ko wow yarap, toh u man ko deiwa thoh wa biang wa che, neibhah du wow klam haki khubor khlem ki kaam ym em yumut. Da ong wa ye ki wow wan lyngba ka CMRF neibhah wa boon bha ki kynhun wa ki seiñ kiwa e yarap cha ka sorkar lyngba ka Chief Minister Relief Fund.
Discussion about this post