Ka Congress toh ka jhad wada ngam ha Meghalaya: BJP

Shillong: Ka BJP Meghalaya da ong ko wa i pynbaad u Chief Minister, Dr. Mukul Sangma wa i wan u montri ka sorkar pyrdi u Alphons Kannanthanan cha Meghalaya khlem pyntip ya ka sorkar jylla man i i pynsepai ya ka poisa paidbah, neiliang ka BJP da ong ko wa i wan u montri ka sorkar pyrdi ymtoh yei em program ym emkaam wow pyntip cha ka sorkar jylla.

“Ini pynyoo i yei klam kutlaad u Montri rangbah ka jylla wow pynhiar ya ka BJP” da ong u J.A. Lyngdoh, State Vice President ka BJP.

Chooh chooh da ong u wa ka Congress party toh ka jhad wada sdang ngam wot hadooh ki MLA yong ka leh ym em u chim ticket ki wei em won ki MLA kiwa rai wym yaleh de ki.

Hei yatoh won wa ka kam u Mukul wa ka BJP ym yoh ko wot tang uwi wot leh u MLA, u Lyngdoh da ong u wa daw yoo u ya i kaam ka BJP.