Ynne ka sngi ka Congress da pynman ko ya ka yalang ha Jowai wow pyllu yumut kammon wow pynkhlan ya ka Party hapoh Ri-loom Jaiñtia (East wa West Jaiñtia Hills) heiwa da emlang ki heh ka Party na Shillong wa kiwi kiwi.
Hadien ka yalang neiliang u Vice President ka Party, u Nehemayah Tyngkan da ong u wa em kiwa ong wa ka Party da wiar ko, tangwa i sakhiat hi toh wa ka Congress ympu wiar ko tangwa daw tia ko chaphrang. Heiwa da em ki wakreh yong ka ha waroh ki Legislative Assembly Constituency ki wow kreh ya ka Party.
Da ong u wa ka Congress kreh ko neibynta i bha i miat neibynta ka ri wa ka jaitbru waroh kawi.
Chooh chooh da pyntip u wa ka kani ka sorkar MDA wa katni man ko kawa chukor ya ki paidbah deiwa kdaw ya ka Cabinet on the Move, i thmu wow chna ya ka Mini Secretariat, i jhep ha Jowai wa kiwi kiwi kiwa da sahteiñ waroh deiwa kyntu ya ki paidbah wow wan ki chaphrang wow kyrchaan ya ka Congress ha kani ka kynti.