15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Ka Documentary Film yong ka TJSC wow chem ya iwa sakhiat heiyatoh wa ki parom ki Syiem Jaiñtia

0 Comments
Advertisement ad1

Jowai: Ka History Department ka Thomas Jones Synod College, Jowai ynne ka sngi da pynyoo paidbah ko ya ka Documentary Film wa chna ko, ya kawa da e pyrtuid “Historical Monuments of Jaintia Hills: The need for preservation and promotion of Eco-Tourism in the region.”

Yow chna ya kani ka Documentary Film kawa chong dor T. 1,50,000 da yarap poisa da ka State Council of Science, Technology and Environment (SCSTE) Government of Meghalaya.

Advertisement ad1

Kani ka Documentary toh kam chibynta i kreh ka History Department ka College wow chem biang ya ka luti lai kjat u syiem Jaiñtia nadooh Jaiñtiapur hadooh wa poi cha Nartiang kamjooh wow chem ya ki thaw chong-ngiah u nadooh na Muktapur-Borghat-Syndai-Amsari-Pdengshakap- ter ter hadooh wa poi ha Nartiang.

U A. Suting, Officer on Special Duty ka SCSTE hei klam yong oo da ong u wa katni ki bru yong i tip bha ki chaphang ki chnong wa em hadooh cha baar ri tangwa ya ki chnong ki thaw wa em cha i won ym tip ki. Kamtæ da emkaam wow thooh bniah hadooh kammon mih ki pyrtuid chnong kam ka Borghat, ka chnong Lama, Bataw, Lakadong kiwa man kiwa da rim bha.

Neiliang u DM Wallang, ADC ka WJH da ong u wa kam ki parom u Kiang Nangbah emkaam wow thooh bniah yow pynsakhiat wa ki parom wa hiar pateiñ da ki ktien man ki kiwa sakhiat, kamjooh leh ya ka Nan Thadlaskeiñ wa kammon chna ki ka, wei wa kammon ki stat u warim wow chna ya ki yingkeiñ moo ki moo pynyieñ wa kiwi kiwi.

Manda em ki parom wa biang daw yarap ko leh ya ki kaam uiñke suwari khamtam ki chnong wa em cha nongkyndong kiwa em ka parom yong ki warim wajah.

Ha kani ka Documentary Film kiwa sikai ka History Department ka Thomas Jones da lai ki cha kiwa boon ki chnong kam ha Borghat, Syndai wa kiwi ki thaw wei da khana ki leh ya ki parom ya ki yung wa chna u syiem Jaiñtia wei da thaw leh yei jrong ki luti lai kjat kiwa dang chem wei wow thooh laad wow pynneh pynsah ya ki.

Share this:
Previous

Da pynskem biang ya u Shnalad Rymbai kam u President ka HANM- Khliehriat Circle

Next

Da pynthymme ya kiwa kitkaam wa ki EM wa kiwi kiwi yong ka Mukhla Raij Sport Club