Ka dorbar tlang ka JHADC wa kut hapoh chi kynta

Jowai : Ka dorbar tlang ka Jaiñtia Hills Autonomous District Council kawa pynman ynne ka sngi da kut ko hapoh chi kynta wei da mih u ma Marki Mulieh na ka kam ka dak pyrchah yeiwa kyntait u Chairman ya ka Zero Hour Notice of Motion kawa thmu wow yaklam hei yatoh wa chah pyndam ki Dolloi ha ka JHADC.

U ma Marki Mulieh katni da chong u samen neiliang ka opposition wei da wanrah u ya 19 tylli ki phang kylli nadooh ki scheme waphær waphær wa da pynkreh hapoh ka Special Central Plan Assistance, ka result kiwa yaleh kreh LDA, SA, Recorder, kiwa sikai DCLP heiwa da jubab wa waroh dang lai ki cha khmat.

Da kylli u leh wa katwon da pyllut poisa u CEM, Deputy CEM, Chairman wa u Deputy Chairman nadooh u Khonchonglaad 2015 hadooh u Khonchonglaad 2016 kam ka bai lai bai wan ki (Travelling Allowances).

Related posts

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Pynbna ka VPP ya ki kyrtong MDC ha ka JHADC wa KHADC

November 13, 2024

Da jubab wa ya u CEM da su T. 13,000 chi bnai, T. 10,000 ya u Chairman, Deputy Chairman wa ki Executive Member kat kam ka Rule 6 (i) of the Jaiñtia Hills Autonomous District Council, Chairman’s and Executive Members (Travelling Allowances and Daily Allowances) Rule, 2015.

Hei yatoh won wa chah kyntait ka Zero Hour Notice of Motion u ma Marki Mulieh katkam ka Rule 53 (1) of the Assam and Meghalaya Autonomous District (Constitution of District Councils) Rule. 1951. Oo da ong u wa ha kiwi ki dorbar wa da dep da pdiang ya ka heiwa da dep wanrah u ya ka notice hei yatoh wa chah ah ki dieñ ha Mukoilum.

Tangwa oo da sñiawphylla won u wa ha kani ka kynti won da chah kyntait ko.

Katkam ka Rule 53(1) da kyntait ya ka Zero Hour Notice neibhah wa i kaam wa chah pyndaam ki Dolloi toh dang em ko ha bichaar ki yung bichaar.

Chwa wow pynkut ya ka dorbar u CEM da pyntip u wa ka aiñ synchaar khadar wa tip kam ka “The Jaintia Hills Autonomous District (Establishment of Elaka and Village and Election, Appointment, Powers, Functions and Jurisdiction of Dolloi/Sirdar and Waheh Chnong) Act da dep pynkylla ya ka cha i ktien khasi.

Chwa wa u Chairman ka yung dorbar u pynkut u ka ka dorbar, u CEM da wanrah u ya ar tylli ki Official Appointment wow pynku kyrdan næ Promotion ya ki Officer wei da thung ya u ma Madonbai Rymbai kam u Vice Chairman ka Boundary Committee wa u ma Rio Sten kam u Vice Chairman Development Committee.