Ka Dr. Fenella L Nonglait kawa man kam ka muktiar wa u President warim ka BJP, u Ernest Mawrie toh kiwa napyrdi ki 3 ngut kiwa da paan Ticket na ka Bhartiya Janata Party (BJP), wow yakhun yaka Election MP cha Lok Sabha na Shillong Parliamentary Constituency.
Ka Bhartiya Janata Party (BJP) Meghalaya hadooh kattæ ym pu em khih jhan ko wow pynbna ya ki kyrtong wow yakhun yaka Election MP na Shillong wa Tura. Tangwa katkam wa khana uwa yahkhmat ka BJP uwa man u MLA na Pynthorumkhrah, u AL Hek, hadooh katni da em 3 ngut kiwa da paan Ticket na ka Party wow yakhun yaka Election MP na Shillong, wa kynthup yaka Dr. Fenella, u Ernest wa uwi won uwa yahkhmat ka Bharatiya Janata Yuva Morcha.
U Hek da ong u wym toh wa pynslem wow pynbna ya ki kyrtong, tangwa kamwa man hi, ka BJP hadooh katni ym pu pynbna ki ya ki kyrtong MP ha kawon kawon ka jylla leh. Da ong u wa ya ki pyrtuid yong kiwa paan Ticket na Meghalaya leh daw bichaar wei daw phah won cha kiwa kitkaam wa em hakhmat ha Delhi yow e ki yei mynjur.
Kiwi ki seiñ saiñpyrthai wa kynthup yaka National People’s Party (NPP), ka Regional Democratic Alliance (wa ya krehlang ka UDP waka HSPDP) neitæ ka Voice of the People Party (VPP) da dep ki wow pynbna ya ki kyrtong, katwa ka Congress kawa em ya u MP wa katni ye ko wow pynyakhun bait da u Vincent H Pala uwa da jop 3 sien kam u MP na Shillong.
Discussion about this post