Ka East Jaiñtia emkaam ko boon jait tangwa ka luti rel ymtoh ka wi: JNC

Ka Jaiñtia National Council (JNC) lyngba ka kyrwoh na u President, u Sambormi Lyngdoh da phah ko ya ka Wyrta kawa che cha ka sorkar MDA-II wa khamtam cha ki 7 ngut ki MLA napoh Jaiñtia Hills wa ka seiñ hi yieñ ko ha ka yurim wa skem wow pyrchah yei thmu yong ka sorkar jylla wow wanrah ya ka Railway Station hapoh East Jaiñtia Hills District, wei lyngba kani ka kyrwoh, ka seiñ kwah ko wow pynche hajrong ki kattu katni tylli ki phang kiwa pynman ya ka JNC wow pyrchah joor ya ini i thmu ka sorkar jylla.

Ka JHADC ym pu em chna ko ya ki aiñ wow yada ya ka khayi pateiñ ki tre chnong wei ki dorbar chnong ym em ki itæ i pynkup bor lyngba ka jylla næ na ki ADC yow ye u kdoh u khoom wei wow pynrkhiñ yei wan psiah kiwa na baar, yow khang yei e NOC cha ki baar jylla yow seiñ kaam seiñ jaam hapoh ka chnong ka thaw, wei lada wan ka luti rel ym ye wow khanglaad yei wan seiñ khih seiñ khan ki baar jylla chapoh ka East Jaiñtia Hills District.

Ka seiñ da sñiaw ko leh wa i wan ka luti rel daw wanrah ko yei taroi ka chnong ka thaw, i chah ktah ki khloo ki kjam, ki loom ki wah wa ki thaw rep.

Ka luti rel daw pynmyntoi ko leh du ya ki karkhana wa em ha East Jaiñtia yow pynsuk ya ki wow chalan ya ki mar cha baar jylla iwa daw ktah kylla ya ki tre Truck kiwa man kam ki tre chnong.

Related posts

Da chna ya ka Committee wow pynsuk u yohbor yow tih moo tih chyiap

November 22, 2024

Lai bait ki kreh kam chibynta ka Shillong Smart City kiwa dapoi palat Rs. 300 klur

November 22, 2024

Manda em ka Railway Station daw pynsuk ko ya ki bru kiwa na baar jylla wow wan buhai chnong chapoh kani ka District iwa daw wanrah sa i chongkha khleh kawa chyrkhei cha ki thaw wa em cha khap cha chmiang wei daw man khian paaid hapoh ka ri yong i hi neibhah hadooh katni ym em aiñ wa khlanbor kam ka ILP wow yada ya i nei wan tlep yong ki bru kiwa na baar jylla.

Kamtæ ka JNC da kyntu ko ya ki Montri yong ka sorkar jylla kiwa napoh Jaiñtia Hills wow klam lang hapoh ka Cabinet yong ka MDA-II heiyatoh wa i sahdien yong ka East Jaiñtia Hills District hawa yatoh wa u sarok, ki Hospital sorkar, ka Government College wa kiwi kiwi wei ymtoh wow yaklam du neibynta ka luti rel neibhah ka East Jaiñtia ymtoh kawa da emkaam luti rel, wei ka seiñ da ong ko wa da khreh wow lai da kiwi ki luti lada sorkar ym sangeh noh syndon yei thmu wow wanrah luti rel hapoh ka District.