Ka Jaiñtia Co-ordination Committee on Reservation Policy (JCCRP) ynne da pynman ko ya ka dorbar ki khon ka Ri Jaiñtia ha Indoor Sports Hall ka Ladthlaboh ha Jowai wow phyllu yumut hajrong ki kaam wa yatoh waka Reservation Policy.
Ha kani ka yalang da wan chimbynta lang da ki waheh wasian, ki bru chemphang ka ri Jaiñtia kiwa kynthup ya u Prof. PM Passah, u Erwin Sutnga uwa man kam u muktiar, u Garlan Rymbai, Ex-President JSU, u D. Pde uwa mihkhmat ya ka Synjuk Waheh Chnong Jowai wa kiwi kiwa kitkaam ka seiñ JSU, JSM, JYF wa JNC.
Ya ka yalang da pynlai da u Chairman ka JCCRP, u Jersom Shylla wei da yoh i klam na ki paidbah wa na kiwa yahkhmat seiñ wa kynthup ya u Jimmy Kharmuti, Working President ka JSM, u O. Tariang, President JYF, u T.R. Suchen, GS ka JSU wa na u Sambormi Lyngdoh kam u Secretary ka JCCRP uwa man leh kam u President ka JNC.
Kiwa klam da pynsñiaw ki waroh wa ka sorkar lyngba ka Expert Committee ymtoh u chimpor ware ko hadooh chi snem wow pyndep ya ka bui takit bniah ya ka Reservation Policy wei toh u pynsmat ya ka wei ymtoh u man donhi kam i buit ka sorkar wow pynslem ya kani ka kaam.
Kamtæ da chim ya ka rai wow thung ya ka Core Committe wow pynsñiaw cha ka sorkar lada emkaam wow e buit.
Discussion about this post