Shillong: U Chairman ka High Level Committee (HLC) uwa man leh u symbood montri rangbah, u Prestone Tynsong da ong u wa i yaklam wow pynbait pynbiang ya i emkaam wow kyrriah ya kiwa sah ha ka Sweepers’ Colony ha Them Iewmawlong dang lai ko cha khmat katni.
“I da dep chong yalang i leh waka Hima Mylliem wei daw chong biang wow pynbait ya ka thaw neibhah wa ka tai ka thaw ha Them Iewmawlong boon toh kawa haap ha ka Hima Mylliem wei i thaw sorkar man ko du 34,000 Sq. Ft,” da ong u.
Hajrong i lai ki kharmator wa sah ha katai ka thaw cha ka Meghalaya High Court, u Tynsong da ong u wa ka yung bichaar hadooh katni ym pu em pynmih ko kawon kawon ka hukum namo ka pynbna.
“I u lai bait i cha khmat wow pyndep yei kaam, wei ym em khanglaad ka yung bichaar ya ka HLC wow leh yei kaam yong ka,” da ong chooh chooh u Prestone.
Discussion about this post