15 49.0138 8.38624 1 0 4000 1 https://wyrta.com 300 0
Advertisement ad1

Ka Jalaphet Bri Sumer SC pyrchah yaka Tluh SCSC haka Final ka Super League 2019 ka SBSA

0 Comments

Jowai: Ha ka 2nd Leg yong ka Semi Final ka Super League ka Saipung Block Sports Association (SBSA) da pynman hapyrdi ka Jalaphet Bri Sumer SC pyrchah yaka Lamyrsiang SCC, ka Jalaphet Bri Sumer da jop ko da 3-0.

Ya ki kool da thap da u Bing Chyrmang haka minit wa 15, u Das Dkhar haka minit wa 20 wa u Jas Chyrmang haka minit wa 76. Kam wow pynkynmoo wa ha ka 1st Leg ka Jalaphet Bri Sumer da jop ko da 1:0 (Total Aggregate 4:0).

Ha kawi won ka 2nd Leg Semi Final, ka Jarain SCSC da jop ko yaka Tluh SCSC da 1-0. Kam wow pynkynmoo leh wa ha ka 1st Leg ka Tluh SCSC da jop ko yaka Jarain SCSC da 5:2 (Total Aggregate 5:3). Kamtæ ka Tluh SCSC da yoh ko wow psiah cha ka Final.

Ya ka Final yong ka Super League ka SBSA u pynman ha ka 12-11-2019 heipor 12:15 pyrdi sngi ha madan H.Q. Lamyrsiang.

Da wan sakhi ya ka pynhiar pyrda da u Dawhoi Langstang, (Executive Engineering Roads North Division, Jowai) kam u kongsan. Ha kani ka sngi daw em ka chaad ka tem ha chwa wow sdang ka yakhun Final.

Ka SBSA da khut ko ya ki paidbah wa maya yaka yalehke Football wow wan sakhi da ki yong hi ki khmat, neibhah ka liang wa jop daw mihkhmat ko yaka SBSA cha ka Meghalaya State League ka wa daw pynman ha uni u bnai hi.

Ka khubor na u Rimi Chadap, General Secretary SBSA.

0 Comments

Leave a Reply