Da: I Dr. Geeta Kadayaprath MS FRCS, Sr Director, Oncoplastic Breast Surgeon, Max Hospital, Delhi.
Ka jingpang bampong ha ka jymbuin ka lah nangkiew bad kaei kaba pynkyndit ia baroh ka long ba ka lah tam ia ka jingpang bampong ha ka lynti kha bad ka lah poi ba nyngkong ha kane ka ri India jongngi. Ha kine ki shiphew snem balah dep ka lah kiew na ka shilak haduh shilak phraphew hajar ki Case ha ka shisnem. Kane ka jingpang ka kham bun ha sor ban sha ki jaka nongkyndong, kane ka pyni ba ka lah ban don eiei ha ka mariang ba pynlong ia kane kum ki jingbam, ka lyer lane ha ki um ba ngi dih. Ym dei tang na ki rukom im jong ngi balah ban pynduna ia kane ka jingjia hynrei ka jingleh kaba bha tam ban iakhun pyrshah ia kane ka jingpang dei tang da ka jinglap kloi ia ka jingpang. Ka jinglap kloi ia ka jingpang kan urlong lada kawei pa kawei ka kynthei kan don jingtip lane sngewthuh shaphang kumno ban eksamin da lade ialade kaba ki khot BSE (Breast Self Examination) ha ka rukom kaba dei naduh ba ka don ha ki arphewsnem shaneng bad leh ia kane man la u bnai, shitaiew hadien balah dep poi bnai (one week after periods) lane da kaba buh sngi hadien da lahkut ka jingpoi bnai (menopause). Ki thain shatei sepngi kim pynshlur ia ka BSE kumba ngi leh ha ka ri India jong ngi namar ka jingbymbiang ki tiar (screening tools), ka jingbymioh lad ban pyndonkam ia ka Mammogram Machine bad ka jingduna jong ki Doctor ba iadei bad kane ka liang, dei nakane ka daw ka jingpyndonkam ia ka Breast Self Examination (BSE) kam pat jah na ngi. Ka jingeh ba ngi kynduh haduh mynta ka dei ba ngi dang iohi haduh 60% ia kane ka jingpangbampong ha ka jymbuin bad da ka jinglap kloi ia kane ka jingpang kalah ban iarap shibun. Ka jingleit Check-up ba shisien shisnem iaki ba lah don 40 snem shaneng ka iarap ban lap kloi ia kane ka jingpang. Ha ki jinglap shen jong ki Tata Memorial Hospital, ki lah shim ia arkynhun ban ia nujor kawei ka kynhun baleit Check-up shisien shisnem bad kawei ka kynhun ba khlem leit, ki lap ba kito ba leit Check-up shisien shisnem ki kham duna kumba 30% kiba khlad nakane ka jingpang ha kito kiba dei 50 snem shaneng ban ia kito kiwei pat ki kynhun.
Kaei ka ba phi dei ban tip?
Ngim dei ban leh sting da ngi lap kiei kiei kiba long at ha ka jymbuin khamtam da kim dei kiba pang bad dei ban leitkynduh bad phah leit eksamin (40 snem shaneng) ha u Doktor da lap ia kum kine. Bad phah leh scanning ia ka jymbuin (40 snem shapoh) bad leh ia ka Ultrasound Guided Needle Biopsy. Baroh ki jingat ha ka jymbuin kim lah ban dei ka jingpang bampong hynrei kine ki test kin iarap tip kloi ia ka jingpang.
Kiwei pat ki dak ki shin jong kane ka jingpang ki dei ka jingjngem lane jingthem ha sniehdoh, ka jingran ki soh buin, mihsnam lane mih um ha soh buin, jing kylla rong ka snieh doh ha buin (orange peel appearance), ka jingkylla kynsan ha ka jingheh lane jingrit ka buin.
Balei iaka jingpang bampong ha ka jymbuin donkam ka jinglap kloi?
Ka jinglap kloi ia kane ka jingpang ka lah ban iarap shibun. Ka suk ban sumar haba ka jingat ka dang rit. Ka jingsumar ia kane ka jingpang bampong ka kynthup ia bun tylli ki jingsumar(multimodality). Ka jingsumar da kaba puid ka dei kaba biang eh na bynta kane (early breast cancer) bad bud sa ka jingai dawai injek (chemotherapy), lada ka jingpang kam long kaba jur lah ban nym leh ia ka Chemotherapy hynrei kane ka jia tang hapdeng 10-20%. Lada ka jingpang ka long kaba jurbha lah ban pyndonkam da kaba syang (Radiotherapy). Da ka jinglap bniah shaphang kane ka jingpang, ki lah ban ioh ki jingsumar ba thymmai kum ki Targeted bad Hormonal Treatments.
Kumno phin lah ban ioh ki lad jingsumar?
Hadien balah lap ba phi don ia kane ka jingpang, phi dei ban ioh ia ka jingsumar kaba kynthup ia bun tylli ki jingsumar (combination surgery, chemotherapy, radiotherapy, targeted treatment, hormonal treatment, immune therapy) bad kiwei kiwei katkum ka report ka jingpang. Ka long kaba lah ban sumar lada ki biang ki nongtrei (staff) bad ki tiar ban sumar. Ka jingkhang lad ia ki nongpang ban wan sumarka dei ka jingbymlah siew. Ka bynta ban kren ha une u snem ha ka World Cancer Day ka long: ‘CLOSE THE GAP’. Ymlah ban ia nujor hapdeng ki nongbah kiba lahbiang ki tiar sumar bad ia ki nongbah ki bym pat biang. Ka jingpyntbit ia ki kynhun samla bad kane ka phang kan iarap ban weng ia kine ki jingeh.
Kumno ka Indian Association of Surgical Oncology (IASO) ka treikam ha ka ‘CLOSING THE GAP’?
IASO, kum ka kynhun ba heh duh jong ka surgical oncology ka pyrshang katba lah ban ialamlynti bad ai mynsiem ia ki kynhun samla, ki doctor (surgeons) kiba don jingmut ha ka lain surgical oncology bad ban iatreilang. Man la u snem ki bun ki program balah dep pynlongkum ki Regional CMEs, ymdei kum ka Annual NATCON bad ka IASO MIDCON. Ka phangpdeng ka long ruh ha ki Sub-Specialties khnang ba ki nongiashimbynta ki lah ban pyntbit ha ki phang ba ki sngewtynnad. Ki nongiashimbynta ki lah ban iohkhusnam bad ki don bun ki lad ki lynti ba plie hadien ba ki aiti ia ki jingwad bniah jong ki ha kane ka Annual Conference. Ban long riewdkhot ha IASO ka plie shibun ki lad bad pyntbit ialade. Ka IASO MIDCON ka ban long ha nongbah Shillong ka dei ka sakhi ba ka IASO ka don ka thong ban shna ia kum kine ki lad ha ka ri India.
Ka jingiakhun pyrshah ia ka jingpang bampong ka dei ka jingkitkhlieh jong uwei pa uwei.
(MIDCON IASO 2022-Midterm Conference of the Indian Association of Surgical Oncology 25th – 27th March 2022, State Convention Center, Shillong).
