theme-sticky-logo-alt
theme-logo-alt
Advertisement ad1

Kyrchaan pura u Wanthmu Phawa ya u Kyrmen Shylla

Advertisement ad1

U Wanthmu Phawa uwa jooh man kam u kyrtong MDC yong ka chnong Tuber Kmai Shnong la arsien uwa da yoh Vote hapoh 2000 tylli ha kini ki snem wa dadep hanla ym poi u cha ka thong leh deiwa rem du kattu katni Vote donhi, da pynsñiaw u yei kyrchaan wa pura ya u Kyrmen Shylla.

U Wanthmu Phawa da khana che wei da klam che u deiwa pyrkhat jngai deiwa chynna jngai u yei kaam wada leh u Kyrmen Shylla hanlada wym em kyrchaan u ya oo ha kini ki snem ki por wa dadep, wa man sakhiat u u bru u wym em itæ i leh chiliang nadooh ya ki lok ki jor, u wom em kheiñ u wym toh ki bru yong oo, da kheiñ bait u salonsar ki bru yong oo hi.

“Da yoh u yoo da yoh u sakhi sakhiat yei kaam wada leh u Kyrmen Shylla, wot lada oo man u uwa dang thymme haka kaam Politics leh da chynna jngai i kaam u, kamtæ da pynpyrkhat ko ya nga u kyrchaan tylli tylla ya oo, kam u bru uwa dang kynroo uwa dang ye sakhiat u phet u phar hapoh ka Constituency katwa man sakhiat ka Constituency kawa heh wa kmai,” da ong u Wanthmu.

“Katkam wa yoo ha ki Social Media boon ki pynbaad pyrchah ya u Kyrmen Shylla ha kini ki por, tangwa kiwa pynbaad toh kiwa na baar Constituency ki wym toh kiwa em hapoh Constituency, kammon u yoo u tip ki iyi da leh u hapoh ka Constituency, i hi kiwa em hapoh Constituency i hi se wa yoo wa tip iyi leh u hapoh kini ki 4 snem”.

Kamtæ neiliang u Wanthmu Phawa da booh u yei kyrpaad cha waroh ki paralok parajor, ki kha ki man kiwa jooh ya kyrchaan lang ya oo wow kyrchaan pura ya u Kyrmen Shylla yoh u poi biang haka thong khnang yoh u ye biang u lehbha ya phi ya nga yaki kaam wa dang sahteiñ.

Advertisement ad1
Share this:
Previous

Ka jinglap kloi ia ka jingpang bampong ha ka buin: ‘CLOSING THE GAP!’

Next

Col CK Nayudu Trophy: Jop ka Meghalaya yaka Sikkim