Jowai: U Minister of State Independent Charge Power, u RK Singh ynne ka sngi da ong u wa ka sorkar booh thong ko wow pynpoi bordiñ cha waroh ki chnong wa em hapoh ka jylla.
Yeini u Singh da ong u ha ka yalang ha New Delhi hapyrdi u montri rangbah ka jylla, u Conrad K. Sangma chirup wa u Power Minister ka jylla, u James K. Sangma ynne ka sngi heiwa da kular u leh wow pynkhlan ya i pynmih bordiñ ka jylla Meghalaya.
U Singh da kyntu u ya ka sorkar wow chim kabu ya ka Atal Jyoti Yojana wow pynyieñ hadooh 2000 tylli ki Solar Street Light ha kawi pa kawi ka Constituency ka State, kamjooh leh wow pynemkaam pura ya i bor ka sngi deiwa booh ya ki Rooftop Solar Panels ha ki yung krehkaam ka sorkar.
Heijooh i por u Singh da ong u wa ka 1 Naitung (April) 2019, ka sorkar pyrdi booh thong ko wow saam bordiñ 24×7 kynta ha waroh kawi ka ri, wei ka Meghalaya em ko ka bynta wa kongsan bha ha ka thaiñ mihsngi wow saam bordiñ.
Neiliang u Conrad da kyntu u leh wow pynkrehkaam ya ka Renewable Energy wa kythup ya i bor ka sngi, ka la-ær, ka um wa kiwi kiwi, yeiwa u Singh da ong u wa da em ka bynta wa da bhah ya ka jylla heiwa ka Ministry daw pynkrehkaam smat noh ko yeini.
Discussion about this post