15 49.0138 8.38624 1 0 4000 1 https://wyrta.com 300 0
Advertisement ad1

Ka Khliehriat West FC pyrchah yaka Sutnga SSCC haka Final ka Super League ka EJHDFA

0 Comments

Jowai: Haka yalehke Super League 2019 kawa la tip leh kam ka “Shri. Kyrmen Shylla Contribution Trophy” wa pynlai da ka East Jaiñtia Hills District Football Association (EJHDFA), da jan poi ko cha wakut, heiwa yaka Final daw pynman hapyrdi ka Khliehriat West FC pyrchah yaka Sutnga SSCC haka 13 tarik uni u bnai ha madan ka Association ha Deinchynrum.

Ka Khliehriat West FC toh kawa da psiah Final hadien wa jop ko yaka Qualifier-1. Ka Sutnga SSCC won da psiah Final ko hadien wa jop ko yaka Rymbai Wahshnong SC ynnin ka sngi deiwa jop yaka Qualifier-2.

Ka yalehke Qualifier-2 toh kawa pynman ynnin ka sngi hapyrdi ka Sutnga SSCC pyrchah yaka Rymbai Wahshnong SC. Ka yalehke man ko kawa ya thain bha wei hadooh wa kut ka Extra Time leh ym em wa yoh u thap kool.

Kamtæ ya kiwa jop da rai da ka yachut Tie-breaker kawa da poi hadooh wa hap yachut mar 8 ngut heiwa uwa yang kool ka Sutnga SSCC de ye u wow khanglaad ya ka bol wa chut uwa yalehke ka Rymbai Wahshnong SC. Wei da ini da biang yaka Sutnga SSCC wow jop ko yaka Qualifier-2 yow yoh psiah cha ka Final.

Kiwa jop yaka Final daw mihkhmat ki leh yaka Association cha ka Meghalaya State League.

0 Comments

Leave a Reply