U MLA ka KHNAM na North Shillong, u Adelbert Nongrum ynne ka sngi da pynsñiaw u yei sñiawkhia hajrong i joor i kaam khayi kynthai ha Khyndailad, deiwa ong wa ka Khyndailad kawa dang haap hapoh ka North Shillong Constituency da kylla ko kam ka thaw kit ya ki kynthai.
Ynne ka sngi neiliang u MLA da kylli u hapoh ka yung dorbar deiwa ong u lada ka sorkar tip ko nano ym em wa ka Khyndailad kawa tip leh kam ka Police Bazar da kylla ko kam ka thaw wow kit ya ki kynthai wa khayi doh wei ini ymtoh i kaam wa khian neibhah wa ktah ko ya ka imlang sahlang deiwa kyntu ya ka sorkar wymtoh u yang ko hadooh wa mih i jia wa sñiawsih.
U Adelbert da khut u leh ya u montri wow wan pait heipor miet wow chem yeiwa sakhiat.
Hawa jubab yeini, u montri ki kaam pohyung, u Lahkmen Rymbui da ong u wa ympu tip wa em kam itæ, tangwa da ong u leh wa ka chnat daw chimkhia ko yeini iwa pynsñiaw u MLA.
Da ong u leh wa ka sorkar da thung ko ya ka Anti Human Trafficking Unit ha waroh ki District wow pait wei yada na ki kaam khayi kynthai.
U Lahkmen da ong u leh wa ya ka Khyndailad da tip kam ka thaw wa kit ya ki paidbah da ki kari kamai ym kamwa pynsñiaw u MLA.
Heijooh i por da ong u wa lada em kam itæ emkaam wow pyntip cha ki pulit wow leh ki yeiwa emkaam.
