15 49.0138 8.38624 1 0 4000 1 https://wyrta.com 300 0

Ka la-ær na South Tura wa Ranikor beh ko cha ka NPP: Timothy D Shira

0 Comments
Advertisement ad1

Shillong: Uwa yahkhmat ka NPP uwa man leh u Symbood Lamphang ka Yung Dorbar, u Timothy D Shira da kam u wa ka la-ær ka Electioñ chiteiñ samoi neibynta ka South Tura wa Ranikor beh ko cha ka NPP.

Hawa yaklam wa kiwa pathai khubor ynne ka sngi, u Timothy da ong u wa ki paidbah ka South Tura ymtoh kiwa biej wei kmen ki wow yoh jied da u kyrtong wow man leh kam u Montri Rangbah, u Conrad K Sangma.

Advertisement ad1

Ka South Tura Counstituency daw pynyaleh Election biang ko hadien wa ka Agatha K Sangma kawa man ka MLA na ka NPP da ieh kaam ko wow elaad ya u Conrad wow yakhun ya ka Election khnang wa u ye u wow pteiñ yei kaam Montri Rangbah.

I man montri rangbah u Conrad daw kut noh i ha u Naikhynde uni u snem iwa 6 bnai katkam ka aiñ wei daw haap yakhun u ya ka election wow jop MLA wow yoh pteiñ yei kaam kam u Montri Rangbah ka jylla, uwa da yahkhmat ya kani ka sorkar Meghalaya Democratic Alliance (MDA).

U Timothy da ong u wa ka NPP daw pynyakhun won ko da ka Agatha neibynta ka kaam MP heithaw u Conrad K Sangma deiwa ong wa ka Agatha daw jop bait ko ya ka Election MP mynried snem neibhah wa ki paidbah ka ri-loom Garo man ki kiwa da chemphang wow jied ya kiwa mihkhmat.

Ha iwi i liang, heiyatoh wa ka Ranikor, u Timothy da ong u wa kamwa da paw, u Martin M Danggo oo wow yakhun na ka NPP wei em u ha ka thong wow jop bait.

Da ong u wa 60% i jop em i cha i liang u kyrtong ka NPP wei i daw hi toh wa da ekti u wow dam MLA wow yoh noh ya ka Civil Sub-division neibynta i myntoi ki paidbah.

Hajrong i rai ka UDP, PDF wow yakhun ya ka Election na Ranikor, u Timothy da ong u wa hanlada kini ki party daw pyrchah ki ya ka NPP tangwa man i iwa bha wa ym booh kyrtong ki neibhah man i kam i wow yakhun chi lok.

Advertisement ad1

0 Comments

Leave a Reply