15 49.0138 8.38624 1 0 4000 1 https://wyrta.com 300 0
Advertisement ad1

Ka lehkmen ya ka sngi kiwa sikai ha Mukhla

0 Comments

Jowai: Ki khynnah skur yong ka Mukhla Raij L.P/U.P wa Secondary School da pyman ki ya ka lehkmen wow burom ya ki wa sikai kani ka skur ha ka 5 tarik ka Teachers’ Day ha phcem ka yung skur.

Ya ka lehkmen ha kani ka sngi da pyllai da u Rimio Sari uwa dang chong Class IX wei da yoh ya i klam naka wa sikai ka Joyful Suna Asst. Teacher wei neiliang ka LP/UP Section da yoh ya ki kyntien na u Francis Lyngdoh uwa man kam u Headmaster ka Mukhla Raij L.P /UP School.

U Headmaster hei klam yong oo da kyntu u ya ki khynnah wow man ki kiwa minot wow khreh kot, kiwa biangpor, kiwa tip ya jar jiar ki kaamram yong ki.

Ka H.W Pde kawa man kam ka Headmistress ka Mukhla Raij Secondary School ha i klam yong ka da sneiñ ko ya ki khynnah wow man ki kiwa kreh chitom wei wow ngait ya ki bei ki pa kamjooh u burom ya kiwa sikai wa ki para khynnah skur hawa em ki heiwon heiwon.

Ha kani ka sngi da yoh leh ya i klam wa tbian na u Standbyme Sari uwa man kam u khynnah skur warim yong kani ka skur ha ki 6 snem nachwa uwa da pyndep ya ka SSLC yong oo na kani ka skur wei oo da kynmoo tympang u ya ki por wa dang em u ha kani ka skur wei ym jooh dam u chimbynta ha kiwon kiwon ki yalehke ki yakop wa pynman ha ka skur.

Da pynkynmoo u leh ya ki khynnah wow khreh kot bha ki khamtam manda yaleh SSLC ki yow poi ki cha khmat bha ka wow wanrah burom ya ka skur kamjooh leh ya ka chnong. Da kyntu u leh ya ki wym toh u pynlut por ki ha ki kaam ka juk stat sayan wa katni kiwa yah cha iwa lait wei wow pynemkaam ya ka stat sayan yow yoh myntoi ki.

Advertisement ad1

0 Comments

Leave a Reply