15 49.0138 8.38624 1 0 4000 1 https://wyrta.com 300 0
Advertisement ad1

Ka lehwarom ya ka National Voters’ Day

0 Comments

Jowai : Ynne ka sngi kamwa da leh ha waroh ka ri India ynne ha Jowai leh da leh warom ya ka 7th National Voters’ Day wei da pynkup burom leh ya kiwa pynpsiah pyrtuid thymme kam kiwa thap vote ha Conference Room DC Office, Jowai, hajrong ka phang “Empowering Young and Future Voters.”

U D.M Wallang, i/c Deputy Commissioner, West Jaiñtia Hills District, Jowai, u S.C Laloo, Additional Deputy Commissioner, (Election), ka H.M.L Kynta, MCS, Extra Assistant Commissioner, u Moonlight Pariat, President UDP, u Lahkmen Rymbui, President INC, u O. Lamin, President, NNP, u H.B Dan, President HSPDP, wa kiwi kiwi da emlang ki.

U D.M Wallang, hei klam da pynkynmoo u ya kiwa em wow pynemkaam hok ya ki EPIC yong ki heipor election ha ki snem wow wan wei da pynchlur u leh ya kiwa dang yoh EPIC yow man ki kiwa nyngkong dooh wow thap ya ki Vote ha ki thaw thap Vote yong ki.

Da chim leh ya ka baam smai kawa da yahkhmat da u D.M Wallang, i/c Deputy Commissioner, West Jaiñtia Hills wow pynim yei rukom synchaar paidbah.

Ki heh na kiwi ki party leh da e ki yei klam wa tbian yong ki ha kani ka yalang leh warom ya ka National Voters Day wei da ong ki wa ym hoi u man ka EPIC yong ki kam u piat u salah wa ye u thied cha yaw cha hat, hap pynemkaam hok ki ya ka Vote yong ki neibhah ka Vote yong ki toh kawa kordor wei man ko leh ka mynried yong ki kamjooh leh ka ri waroh ka wi.

Da ong ki leh wa yooluti ki wa ka West Jaiñtia Hills u man ko ka District ka wa boon dooh mih kiwa thap vote hapoh ka ri waroh kawi.

Ha kani ka sngi leh da saam ya ki khusnaam ya kiwa jop ya ki yakop waphær waphær wa da dep pynman kam ka thoh essay, debate, yakop rwai tynre, yakop dro wa kiwi kiwi de.

Advertisement ad1

0 Comments

Leave a Reply