Ynne ka sngi u montri rangbah ka jylla, u Conrad K. Sangma da ebuit u ya u montri rangbahdooh ka ri, u Narendra Modi heiyatoh wa da leh ha Meghalaya ya kawa da tip kam ka “Rapid Response System”, heiwa du hapoh kattu katni por wa da booh da ka chnat i chait i khiah, ki bor District wa ki pulit wow chem ya ki bru wa yoh COVID-19.
Ha ka Video Conference wa u Modi, u Conrad da ong u wa ka Rapid Response System daw yarap ko ya ka sorkar wow kreh na tre kam ki dorbar chnong (Panchayat) wei wow pynkhreh kammon u leh lada emkaam ha ki por wow wan.
Da tyrwa u wa waroh emkaam ki wow bood ya ki kyndon krehkaam namo ki Standard Operating Procedures (SoPs), kiwa ye u kreh hapoh 60 minit.
Da kyntu u leh wa emkaam u chna ya ki “Economic Task Force” ha waroh ki jylla wow e buit iwi ya iwi khnang wow ye u leh yeiwa emkaam heiyatoh wa ka khayi pateiñ.
Heiyatoh wa i man i long katni, u Conrad da ong u wa i pynemkaam ya ki stat wa katni (Technology) da man i iwa emkaam bha wei emkaam wow pynchlur wow pynemkaam ya ki ha ki chnat sorkar, ki kaam wa yatoh wa i chait i khiah kamjooh leh ha ka khayi pateiñ.
Kani ka Video Conference da neh ko kamwa 2 kynta, heiwa u Conrad K. Sangma da yoh laad u wow sdang klam heiwa da ong u wa ka Lockdown ha ka jylla daw pteiñ ko hadien ka 3 Naisan deiwa pynyinsur ya ki kyndon ha ki District wym em chah ktah ha u COVID-19.
Discussion about this post