Ka Dorbar Chnong Khonsaro, West Jaiñtia Hills District da e ko i sñiawngooh cha uwa mihkhmat ka thaaiñ u Sniawbhalang Dhar, MLA Nartiang Constituency wa yoo u yei eh i khoo ki paidbah ka chnong ha kam kani ka por wa em ka Lockdown.
U MLA uwa man leh u montri ka sorkar da e yarap u da u khoo heiwa ya u ni u khoo da saam da ka Executive Body ka chnong haka 17 tarik uni bnai cha ki manyung wa em ha chnong.
Neiliang ka dorbar chnong da e ko i burom wa i sñiawngooh deiwa kitbok ya u MLA wa ka yung yong oo wa u Blai u emlang u chirup yow yoh u ya i doh i pran wa chait wa khlan khamtam u nang ye u wow chakri ya ki paidbah ka thaaiñ ha waroh ki liang.
Kani toh katkam ka wyrta na u waheh chnong u D. Dkhar.
Discussion about this post