U Mukhtar Abbas Naqvi, uwa man kam u montri ka sorkar pyrdi uwa pait ya ka chnat ka Minority Affairs, ynne ha Rajya Sabha da pyntip u wa ha u 2019-20 kiwa yoh myntoi na ka chnat da em ki 67,21,630 ngut.
Da pyntip u wa ha u snem 2019-20 ka Scholarship na ka Ministry man ko T. 2204.44 klur.
Ya ka Scholarship da saam ha ki le tylli ki Scholarship Schemes kiwa kynthup ya ka Pre-Matric, Post-Matric, Merit-cum-Means wa ka Begum Hazrat Mahal National Scholarship Scheme yong u snem 2019-20, wei da pteiñ u e ya ki ha uni u 2020-21.
Chooh chooh u Naqvi da ong u leh wa ka Lockdown ym em ktah ko yei su Scholarship cha ki khynnah neibhah kini ki Scholarship Scheme ka Ministry toh kiwa da pynkrehkaam lyngba ka National Scholarship Portal (NSP)/Online Portal wei ka poisa Scholarship da phah (Transferred) hapoh ka Direct Benefit Transfer (DBT) iwa mut na ki Bank da phah bait cha ki Account ki khynnah.