15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Phah ka KVIC yaka Flipkart, Amazon, Snapdeal wow pyndam noh yaki mar thok wa dai hei pyrtuid ka Khadi

Advertisement ad1

Ka Khadi and Village Industries Commission (KVIC) da phah pyndam ko ya ki e-Commerce Portal kam ka Amazon, Flipkart, Snapdeal wa kiwi wow pyndam ki ya 160 tylli ki Web Links kiwa dai Online yaki mar wa pynemkaam yei pyrtuid “Khadi”.  Hawa pyntip ya ini ynne ka sngi, ka KVIC da ong ko wa da hap phah yaka Legal Notice cha palat 1000 tylli ki Company wa pynemkaam yei pyrtuid “Khadi India” yow dai yaki mar yong ki iwa da wanrah yei dooh nong yaki bru wa pynmih ya kini ki mar kamjooh leh da pynsih yei pyrtuid ka Khadi.

Da pyntip leh wa hadien ka KVIC da e Legal Notice ko, ka Khadi Global da pyndam noh ko yaka Website yong ka www.khadiglobalstore.com wei da pyndam ko leh ya ki Social Media Page yong ka ha Twitter, Facebook wa Instagram wei da paan por ko 10 sngi yow pyndam noh yei pyrtuid “Khadi” haki mar yong ki. Ini i leh ka KVIC da wanrah ko leh yei khang kiwa boon ki dukan hapoh ka ri kiwa dai yaki mar thok Khadi.

Advertisement ad1

Ki Website e-Commerce kiwa dai ya kiwa boon ki Khadi Mask, Herbals Soap, Shampoos, Cosmetics, Herbal Mehandi, Jacket, Kurta wa kiwi ki jait mar da pynemkaam bakla ki yei pyrtuid “Khadi”. Ini da wanrah ko yei sñiawthooh bakla wa kini toh ki mar wa da chna paka daka “Khadi”. Ka KVIC da pyntip ko leh wa kiwa boon ki mar da dam noh wow dai yaki kam na ki Ayush E-Traders, heiwa da pyntip ki wa da pyndam ki ya 140 tylli ki Link wa dai ya kiwa boon ki mar kiwa kam toh ki “Vagad’s Khadi Products”.

Hadien wa kyntu u Prime Minister ka ri yow thied yaki mar Khadi, da mih kiwa boon kiwa pynemkaam yaki chap ka Khadi yow dai yaki mar yong ki kiwa da chna thok deiwa pynemkaam yei pyrtuid ka Khadi khamtam ha kini ki por wa em ka COVID-19 Lockdown heiwa da dai Online yaki mar wa kam toh ki mar Khadi tangwa yaki mar wa paka yong ka Khadi ye u yoh du na www.kviconline.gov.in/khadimask.

Ki Company wa heh kiwa da yoh yaka Legal Notice ynnin u bnai naka KVIC toh ka Khadi Essentials waka Khadi Global kiwa dai khlem yoh bor deiwa pynemkaam yei pyrtuid Khadi yow dai yaki mar yong ki. Chooh chooh da pyntip waka KVIC da paan ko T. 500 klur naka Fabindia kam i dooh nong iwa dang sah hei bichaar ka Mumbai High Court.

Share this:
Previous

Da pynthymme ya kiwa kitkaam ka JSU Nongjngi Unit

Next

Ka Lockdown ym em ktah ko yei su Scholarship cha ki khynnah: Abbas Naqvi