U Montri Rangbah ka jylla, u Conrad K Sangma da ong u wa ka sorkar jylla da dep pynkylla ko ya ki kyndon krehkaam namo ki Rules ha ka Lokayukta, deiwa ebor wow krehlaam hanlada em du u Chairman leh.
Neiliang ka Kasari Meghalaya High Court da phah ko ya ka sorkar jylla wow thung ya ki dkhot wa pura ha ka Lokayukta, deiwa pynsñiaw leh wa i thung du u Chairman ym mut i wa ym em Lokayukta ha ka jylla.
Hawa kylli, u Conrad da ong u wa ym du ha ka jylla Meghalaya wa ya ka Lokayukta da peit du da u Chairman, wei chong ha i yoo emkaam daw thung chooh ya ki dkhot.
Hawa kylli yei wym biang ka yung krehkaam ka Lokayukta ha Meghalaya, u Conrad da ong u wa lada em i emkaam ka sorkar daw smat ko wow pynbiang.
