Ka mang poisa wa wanrah ha JHADC yoo kam cha yimphoo wei mutdur donhi: Joinriwell Pyrtuh

Jowai: U Joinriwell Pyrtuh u MDC ka Bataw-Lakadong kamjooh uwa chong na ka liang pyrchah ka JHADC da ong u wa ka mang poisa wa wanrah da u CEM ka JHADC u A.A. Shullai yoo kam chawa yimphoo wa du hei mutdur donhi wei ym man ko katkam wa man hapoh ka JHADC.

Da ong u wa katni ka JHADC em ko kamwa 1648 ngut ki wakreh wei da dep thung wa kreh thymme sa 7 ngut heiwa 5 ngut to ki wa sikai ha ki skur Primary tangwa cheiwon u yabhah ya kini kiwa sikai wei heijooh i por leh ki wakreh ym ye u su tulop ka Council ya ki.

Da kylli u leh yeiwa klam u CEM hei yatoh wow wanrah ya ka synchaar wa khooid wa jngiar heiwa dang em bait ki Constituency kiwa ym em yoh poisa wow wanrah ya ki kaam pynroi.

Neiliang won u Marki Mulieh da kylli u chapang i chna ya ka Jaiñtia Durbar Town Hall Building ha Newhill kawa da booh lang ha ka mang poisa kawa dadep chna la arsien tangwa hadooh katni leh ym em yoh u pynemkaam ya ka.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025