Ka MDA-II toh ka wym em budloom kawa chah pynlai haka BJP: Vincent Pala

U President ka Meghalaya Pradesh Congress Committee (MPCC), u Vincent H Pala da kynthah u yaka sorkar MDA-II wa yahkhmat da ka National People’s Party (NPP), deiwa ong wa ya kani ka sorkar ha Megahalya da chah pynlai ha ka BJP.

Ini i ong u Vincent Pala toh neidaw wa chah khang u Rahul Gandhi wow yaklam wa ki khynroo khyllood hapoh Central Auditorium yong ka skurbah USTM kawa em ha Ri-Bhoi District ynnin ka sngi heipor wa poi u ha Nongpoh kawa man leh kam chibynta i lai luti Bharat Jodo Nyay Yatra kawa da sdang u na ka jylla Manipur.

Da ong u wa i leh yong ka sorkar Meghalaya ym em ye i wow khang yaka Congress wa ya u Rahul wow yachem wa ki paidbah, tangwa da ong u wa ini da pynyoo che wa yaka sorkar ha Meghalaya da pynlai da ka BJP kawa pyrchah ya kani ka Yatra yong u Rahul.

Da ong u wa hadooh katni du ka Meghalaya kawa kyntait wow e bor ya u Rahul wow yachem wa ki bru paidbah, neibhah wot ha Manipur wa Nagaland leh wa ka Congress em ko haka liang pyrchah ym em chah kyntait wow pynman yei yachem paidbah.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

U Pala da ong chooh chooh u wa ynnin ka sngi wa ki paaid ka Jai Shree Ram kiwa da wanpoi cha Meghalaya wa Assam, yoh bor ki namo ym em wow lai paidbah, ka Party ym tip ko, tangwa neibynta yow lait u mih iyi iyi, ka Party da paan bor wei ym em yoh bor ko, wei da ong chooh chooh lada ya kiwi e bor, ileh yaka Congress won ym e.

U Pala uwa man leh u MP ka Congress na Shillong, da ong u wa ki paidbah ka jylla toh u tip ki wa kani ka sorkar MDA toh ka wym em budloom wei kawa chah pynlai haka BJP na Delhi wa na Assam.